صينية البطاطس بالكفتة في الفرن.. أكلة العزومات السريعة بأوفر طريقة .

صينية الكفتة بالبطاطس في الفرن بالصوص الأحمر.. أكلة العزومات السريعة بأوفر طريقة 

لو محتارة في الغدا وعايزة أكلة سريعة، مشبعة، وفي نفس الوقت شكلها يشرف على السفرة قدام ضيوفك أو عيلتك،

 مفيش أحلى من صينية البطاطس بالكفتة بالصلصة . الأكلة دي بتجمع بين طعم الكفتة المشوية الدايبة

 والبطاطس المستوية في صوص الطماطم الغني، وريحتها وهي بتتحمر في الفرن تجيب آخر الشارع. 

في مدونة “وصفات سفرة ووفر”, هقولك على التكات والسر اللي يخلي الكفتة متكشش وتفضل

 طرية، والبطاطس تشرب من طعم اللحمة وتطلع دايبة دوب .

* ليه صينية الكفتة بالبطاطس هي الاختيار الأذكى لكل ست بيت؟

الصينية دي تعتبر من أكلات “المنقذ السريع”, لأنها مش بتاخد وقت في التحضير, وفي نفس الوقت طبق متكامل فيه

 البروتين والنشويات والخضار. 

* المقادير المطلوبة لعمل صينية الكفتة بالبطاطس .

علشان تعملي أحلى صينية زي الصورة تماماً, جهزي المكونات دي :  

* مكونات الكفتة الاقتصادية :

 1-  نصف كيلو لحمة مفرومة.

 2-  بصلة كبيرة مبشورة .

 3-  بقدونس مفرومة ناعم.

 4- معلقة صغيرة بيكنج بودر (السر عشان الكفتة تكون هشة ومش مكتومة).

 5- البهارات: ملح، فلفل أسود، ، وبهارات كفتة او سبعه او لحمه.

* مكونات صينية البطاطس والصلصة.

1- كيلو بطاطس مقطعة حلقات متوسطة الحجم (مش تخينة قوي ولا رفيعة).

2- بصلتين كبار مقطعين  صغير.

3- فلفل رومي حلقات .

4- كيلو عصير طماطم فريش ومعصور كويس.

5- معلقتين كبار صلصة جاهزة.

6- مكعب مرقة، ملح، فلفل أسود، كمون.

* طريقة تحضير صينية الكفتة بالبطاطس خطوة بخطوة .

- تجهيز وتصبيع الكفتة:

في بولة غويطة، هنخلط اللحمة المفرومة مع البصل المبشور، البقدونس، والبهارات، والبيكنج بودر، ونعجنهم

 كويس جداً لحد ما الأنسجة تتماسك. هنشكل اللحمة  زى البرجر متساوية الحجم ونسيبها ترتاح ف التلاجه5دقايق وبعد

  كدة فى طاسه فيها زيت هشوح الكفته تاخد لون بس .

-  تجهيز قاعدة الصينية:

في صينية ألومنيوم أو بايركس، هنرص البطاطس وحلقات الفلفل الرومى، ونرش عليهم رشة ملح وفلفل أسود ونقلبهم

 .  بطريقة منظمة وجميلة.

 بعد كدة هناخد  الكفتة ونرصها جنب شرايح البطاطس والفلفل بالتساوي  ترصيها بشكل دائري زي الصورة.  

- تجهيز الصوص الأحمر :

في الخلاط، هنضرب الطماطم ، وننزل  بالبصل  في حلة فيها معلقة زيت لحد ما تدبل وننزل بعصير الطماطم وعليهم

  التوابل ونسيبها تتسبك .

  بعدين نصوب الصلصة دي فوق

 الصينية بهدوء عشان تغطي البطاطس والكفتة وتشرب منها.

- التسوية في الفرن :

 الصينية ندخلها فى فرن ساخن على درجة حرارة 200 في الرف اللي تحت لحد ما تستوى .

 وبعد كدة نحط الصينية تحت الشواية مباشرة لحد ما وش الكفتة والبطاطس ياخدوا اللون الذهبي الجميل .  

* نصائح ذهبية لنجاح صينية الكفتة بالبطاطس *

تقطيع البطاطس: خلي حلقات البطاطس بسمك متوسط عشان تستوي مع الكفتة في نفس الوقت .

التقديم: قدمي الصينية سخنة مع طبق رز بالشعرية مصري. 

💥نصيحة وصفات سفرة ووفر: لو عايزة طعم الكفتة يبقى كأنها مشوية على الفحم بالضبط، بعد ما

 تستوي الصينية، حطي حتة فحم مولعة في ورقة فويل جوه الصينية ومعاها نقطة زيت وغطيها

 بسرعة، وهتاكلي أحلى كفتة مدخنة بأقل تكلفة!



صينية البطاطس بالكفتة في الفرن.. أكلة العزومات السريعة بأوفر طريقة .

#طريقة عمل صينية البطاطس بالكفتة في الفرن#أكلات_اقتصادية #فراخ في الفرن #أكل_بيتي #أكلات موفرة#غدا سريع#وصفات سفرة ووفر# أكلة العزومات السريعة بأوفر طريقة


إرسال تعليق

أحدث أقدم

نموذج الاتصال