صينية الرقاق الطري باللحمة المفرمة في الفرن .

 صينية الرقاق الطري باللحمة المفرمة في الفرن.. أسرار نجاحه زي العزومات وأحلى

مافيش أكلة مصرية أصيلة بتعبر عن اللمة والخير قد صينية الرقاق باللحمة المفرمة. طبعاً الرقاق الناشف أو الطري بيبقى

 نجم السفرة في العزومات والأعياد، والريحة بتاعته وهي طالعة من الفرن بتجيب آخر الشارع. لكن كتير من ستات البيت

 بيشتكوا إن الرقاق بيطلع منهم ناشف قوي أو معجن ومش متظبط .

في مدونة “وصفات سفرة ووفر”، هقولك على التكات والسر البسيط اللي هيخلي صينية الرقاق طرية من جوه ومقرمشة

 وذهبية من بره زي الصورة بالظبط، وبأوفر طريقة تفرحي بيها عيلتك.

* ليه صينية الرقاق أساس السفرة المصرية العريقة؟

الرقاق مش مجرد طبق جانبي، ده وجبة متكاملة بتجمع بين طعم الشوربة الغنية واللحمة المفرمة المعصجة بتبهاراتها

 المضبوطة. والأهم إنه أكلة ممكن نعملها بأقل تكلفة وفي نفس الوقت بتديكِ نتيجة تشرف قدام ضيوفك.

* المقادير المطلوبة لعمل صينية الرقاق باللحمة .

علشان تعملي أحلى صينية رقاق مورقة ومظبوطة، جهزي المكونات دي من مطبخك:

* مكونات الرقاق والشوربة :

-  رقاق ناشف أو طري (حسب المتوفر عندك)

-  شوربة دافية (شوربة لحمة أو فراخ تكون دسمة ومتبلة)

-  سمنة  (السر في التوريق ) 

-  حليب 

* مكونات تعصيج اللحمة المفرمة :

- رُبع أو نصف كيلو لحمة مفرومة (حسب الرغبة).

- بصلتين كبار مفرومين ناعم.

-فلفل رومي وفلفل حار وطماطم قطع صغيرة

-  مكعب مرقة ، ملح، فلفل أسود، وبهارات لحمة وقرفة وزنجبيل ورق لاورا 

طريقة تحضير صينية الرقاق خطوة بخطوة . 

- تعصيج اللحمة المفرمة:

في طاسة على النار، هنحط معلقة سمنة و وزيت ننزل اللحمة المفرمة ونقلبها كويس مع

 الملح، الفلفل الأسود، وبهارات اللحمة  وننزل بالخضار وبعدين باقي التوابل لحد ما تستوي تماماً وتبقى جاهزة للحشو.

-   تسقية الرقاق:

في صينية واسعة، هنحط الشوربة الدافية، ونتاكد إن الشوربة

 دافية مش مغلية عشان الرقاق ما يتقطعش ويبقى معجن.

-  تطبيق الصينية وتوريق الرقاق:

هنبدأ ندهن صينية الفرن كويس بالسمنة البلدي.

هنمسك ورقة رقاق، ونبلها سريعاً في الشوربة الدافية من الناحيتين ( مش نسيبها كتير عشان ما تذوبش)

نرص نص كمية الرقاق في الصينية، ومع كل ورقتين ندهن مسحة خفيفة 

من خليط السمنة  عشان الرقاق يطلع مورق ومش مكتوم

ننزل باللحمة المفرمة المعصجة ونوزعها بالتساوي في نص الصينية 

نكمل باقي طبقات الرقاق  بالشوربة، وبرضه مع دهن مسحات 

سمنة خفيفة بين الطبقات لحد ما نخلص الكمية 

* التسوية والتحمير في الفرن:

- هنقطع صينية الرقاق مربعات أو مثلثات بالسكينة وهي لسه طرية قبل ما تدخل الفرن.

- نصب كبشتين من اللبن الدافيين على وش الصينية من فوق، وندهن الوش بمعلقة سمنة بلدي أو قشطة.

- ندخلها فرنة ساخنة على درجة حرارة 200 في الرف اللي في النص لمدة ربع ساعة لحد ما الجوانب تحمر، بعدين

 نولع الشواية عشان الوش ياخد اللون الذهبي الجميل المقرمش زي ما واضح في الصورة.

نصائح ذهبية لنجاح صينية الرقاق في البيت 💥 

حرارة الشوربة: اوعي تستخدمي شوربة مغلية للرقاق الناشف عشان ما يتحولش لعجين في إيدك؛ لازم تكون الشوربة .

التغطية: لو بتحبي الرقاق طري جداً، أول ما يطلع من الفرن غطيه بصينية تاني لمدة 5 دقايق بس، وهتاخدي

 طراوة رهيبة من جوه وقرمشة خفيفة من الوش.

التقديم: قدمي صينية الرقاق سخنة جنب طبق شوربة لسان عصفوروملوخية وسلطة خضار فرش، وبالهنا والشفا!

💥نصيحة وصفات سفرة ووفر: لو مش متوفر عندك شوربة لحمة او فراخ ، تقدري تعملي أحلى شوربة سريعة

 بمكعبين مرقة، معلقة سمنة ، ورقة لورا، حبهان، وبصلة صغيرة في مية مغلية،وملح وفلفل اسود  وهتديكِ نفس طعم الشوربة

 الغنية وبأوفر تكلفة 💥

الأسئلة الشائعة حول صينية الرقاق 

هل ينفع أعملي صينية الرقاق بالرقاق الطري بدل الناشف؟ 

أيوة طبعا، الرقاق الطري بيبقى تحفة وسريع، بس مش بنبله في الشوربة كتير زي الناشف؛ يا دوب رشة خفيفة جداً أو

 ندهنه بالشوربة بالفرشة عشان ما يتقطعش معاكي.


 

صينية الرقاق الطري باللحمة المفرمة في الفرن

 طريقة عمل صينية الرقاق الطري باللحمة المفرمة في الفرن#أكلات_اقتصادية #فراخ في الفرن #أكل_بيتي #أكلات موفرة#غدا سريع#وصفات سفرة ووفر# أكلة العزومات السريعة بأوفر طريقة

  







إرسال تعليق

أحدث أقدم

نموذج الاتصال