طاجن المكرونة في الفرن زي المحلات.. السر الحقيقي لنجاحه في البيت بأقل تكلفة
لو دخلت أي محل كشري مشهور، أول حاجة بتلفت
انتباهك وتفتح نفسك هي ريحة طاجن المكرونة باللحمة المفرمة أو الفراخ، وهو بيطلع
سخن وكمان بيتقلب قدامك بكل سهولة. يا سلام بقى على صوص الطماطم الخطير والوش
المتمرمر!
كتير مننا بيحاول يعمله في البيت بس مبيطلعش زي الجاهز، إما المكرونة بتطلع معجنة أو الطاجن بيلزق وما بيتقلبش. في مدونة "وصفات سفرة ووفر"، هقولك على التكات البسيطة اللي هتعمل بيها أحلى طاجن مكرونة في الفرن زي المحلات بالظبط، وبأطعم وأوفر طريقة تفرح بيها عائلتك.
ليه طاجن المكرونة في الفرن عشق المصريين؟
طاجن المكرونة مش أكلة عادية، ده طبق رئيسي
مشبع ولمته بتبقي حلوة على السفرة. والأهم إنه أكلة اقتصادية ممكن نعملها باللحمة
المفرمة أو حتى بكبدة القوانص أو من غير لحوم خالص (اقتصادي جداً)، وفي نفس الوقت
بيدي إيحاء إننا واكلين في مطعم فخم.
المقادير المطلوبة لعمل طاجن المكرونة باللحمة المفرمة .
علشان تعمل طاجن مظبوط ومقضي العيلة، هتضطر
تجهز شوية مكونات بسيطة متوفرة في كل مطبخ مصري:
مكونات المكرونة والصوص
* نصف كيلو مكرونة قلم مسلوقة نص سلقة فقط.
* طماطم معصورة طازة
ومتصفية كويس.
* بصلتين كبار مفرومين ناعم.
* فصين ثوم مهروسين.
* معلقتين كبار صلصة طماطم جاهزة (علشان
اللون الأحمر الغامق).
* البهارات: ملح، فلفل أسود، رشة كزبرة، رشة سكر، كمون ، مرقه ، جنزبيل (لملء حموضة الطماطم)، ورشة قرفة صغيرة.
* زيت وسمنة لعمل الصلصة.
مكونات تعصيج اللحمة .
* ربع كيلو لحمة مفرمة (علشان نوفر وتكفي
الطاجن).
* بصلتين كبيرة .
* مكعب مرقة (اختياري).
* ملح وفلفل أسود وبهارات
لحمة ورق لاورا.
طريقة تحضير طاجن المكرونة خطوة بخطوة:
السر كله في الترتيب الصح للخطوات، ويلا بينا
نشوف هنعمله إزاي:
* تعصيج اللحمة المفرمة:
في طاسة على النار، هنحط معلقة زيت وننزل بالبصل المفروم لحد ما يدبل، بعدين نضيف اللحمة المفرمة ونقلبها
كويس لحد ما تغير لونها. هنضيف الملح والفلفل الأسود وبهارات اللحمة، ورق لاورا ونسيبها تستوي على نار هادية.
*
تجهيز الصلصة الخطيرة:
في حلة على النار، هنحط شوية زيت ونصفر فص الثوم وبصله، وبعدين ننزل بعصير الطماطم والصلصة الجاهزة. هنحط
الملح، الفلفل الأسود، ورشة السكر وباقى التوابل، ونسيب الصلصة تتسبك نص تسبيكة (يعني مش تقيلة قوي، علشان المكرونة
تشرب منها وتستوي في الفرن).
* تطبيق الطاجن (السر هنا!):
* هندهن طاجن الفخار (أو صينية بايركس) كويس
جداً بالزيت من جوه علشان المكرونة ما تلزقش.
* نحط شرائح فلفل رومى وشرائح طماطم
* هنحط اللحمة المفرمة
المعصجة في الطاجن بعد الفلفل والطماطم بالتساوي ونضغط عليها كويس.
* هنقلب المكرونة المسلوقة
نص سلقة مع جزء من الصلصة لحد ما تتشرب اللون الأحمر الجميل، وننزل بيها فوق
اللحمة من غير ما نكبسها جامد.
* هنصب باقي الصلصة المخففة
بشوية مية سخنة على وش المكرونة، بحيث تغطي المكرونة من فوق عشان تستوي كويس في
الفرن.
* التسووية في الفرن:
* هنغطي الطاجن بورق
ألومنيوم (قصدير) كويس جداً.
* ندخله فرنة ساخنة على
درجة حرارة 200 في الرف اللي تحت لمدة ربع ساعة تقريباً.
*
في آخر 5 دقايق، هنشيل الورق ونولع الشواية عشان الوش يتحمر وياخد لون ذهبي يجنن.
نصائح ذهبية لضمان نجاح الطاجن وتقليبه بسهولة .
* سلق المكرونة: اوعى تسلق المكرونة سلق كامل؛ لازم تكون نصف سلقه (يعني فيها شدة بسيطة)، لأنها لسه هتكمله
سوا جوه الفرن مع الصوص.
* دهن الطاجن: ادهن الززيت في قاع وجوانب الطاجن هو اللي هيخلي الطاجن يتقلب معاكي قالب واحد
ومترتب
زي الجاهز من غير ما يتقطع.
* التقديم: سبي الطاجن يهدى 5 دقايق بس بعد ما يطلع من الفرن، وبعدين هاتي طبق صيني واسع واقلبي الطاجن
بحرص
واستمتعي بالشكل والطعم.
💥 نصيحة وصفات سفرة ووفر: لو عايزة الوصفة تكون اقتصادية أكتر، ممكن تستغني عن اللحمة المفرمة خالص وتعمليه
بالصلصة والمكرونة بس، أو تحطي شرايح فلفل حامي مع اللحمة المفرمة
للي بيحبوا الأكل الحراق!
الأسئلة الشائعة حول طاجن المكرونة في الفرن .
هل ينفع أعمل الطاجن في صينية ألومنيوم
عادية؟
أيوة طبعا ينفع، لو مش متوفر طاجن فخار أو
بايركس، أي صينية ألومنيوم أو تيفال هتنفع وتدي نفس النتيجة، بس السر كله في
تغطيتها كويس بالورق الفويل أثناء التسوية.
ليه المكرونة بتطلع معجنة مني في الفرن؟
ده بيكون بسبب زيادة مية السلق في البداية،
أو إن الصلصة كانت تقيلة ومفيش سوايل كفاية فتزود مية كتير بزيادة. التزمي
بالمقادير والخطوات وهتطلع معاكي مظفوطة جداً.
#طاجن المكرونة في الفرن زي المحلات#أكلات_اقتصادية
#فراخ في الفرن #أكل_بيتي #أكلات موفرة#غدا سريع#وصفات سفرة ووفر#
