العنوان الرئيسي للمقال :
كبسة الخضار الاقتصادية على طريقة وصفات سفرة ووفر.. ريحة الشوى في قلب بيتك وبدون لحمة أو فراخ
مقدمة المقال:
نفسك في طبق كبسة مفلفل، ريحته تجيب آخر الشارع، ومليان توابل شرقية بس الميزانية مش مستحملة فراخ ولا لحمة النهاردة؟
ولا تشيل هم خالص جبنالك النهاردة "كبسة الخضار الموفرة". أكلة مغذية جداً، مشبعة، ومليانة ألوان تفتح النفس، وبأقل تكلفة ممكن تتخيلها.
يلا بينا ندخل المطبخ ونشوف التكة!
المكونات (المقادير):
الأرز: كوبايتين أرز بسمتي (أو أرز مصري عادي لو المتاحة عندك، الاتنين بيطلعوا تحفة).
خضار الثلاجة المشكل:
بصلة كبيرة مفرومة + فصين ثوم مفرومين.
جزر مقطع مكعبات + بسلة .
بطاطس مقطعة مكعبات صغيرة .
يلا بينا على بهارات الكبسة الخطيرة:
معلقة كبيرة بهارات كبسة جاهزة أو مكس(لومي، قرفة ، حبهان، قرنفل، كاري، ورشة كركم عشان اللون الأصفر الدهبى).
ملح وفلفل أسود، ومكعب مرقة (اختياري).
الصلصة: معلقة كبيرة صلصة طماطم + طماطم مبشورة.
طريقة التحضير خطوة بخطوة:
تشويح البصل والبهارات: في حلة على النار، حطي معلقة زيت مع معلقة سمنة، وحمري البصل لحد ما يذبل. انزلي ببهارات الكبسة الصحيحة والمطحونة، وقلبي لحد ما ريحة البهارات تطلع وتملى البيت (دي أهم خطوة في طعم الكبسة).
الصلصة والمرقة: حطي معلقة الصلصة والطماطم المبشورة، وبعدين ضيفي المية المغلية (لكل كوباية أرز كوبايتين مية عشان الخضار يستوي براحته)، وضبطي الملح والفلفل ومكعب المرقة.
سوا الأرز: أول ما المية تغلي والخضار يبدأ يدخل في السوا، انزلي بالأرز المغسول والمصفى (من غير نقع لو مستعجلة). غطي الحلة وسيبها على نار عالية لحد ما الأرز يشرب معظم المية.
التهدئة :هدي النار خالص على أد ما تقدري (شمعة)، وسيبي الكبسة تكمل سواها لمدة 15 دقيقة.. هتطلع مفلفلة وكل حبة لوحدها .
عشان تاخد طعم "الفحم" هاتى حتة فحم صغيرة ولعيها، وحطيها في ورقة ألومنيوم (فويل) فيها نقطة زيت وسط الحلة وهي سخنة بعد ما خلصت، وغطي الحلة بسرعة لمدة 5 دقايق.. هتاخد كبسة خضار بريحة الشوي اللي تجنن، وكل ده بمكونات اقتصادية على الآخر!
#وصفات سفرة ووفر #أكلات_اقتصادية #كبسة_خضار #أكل_بيتي #توفير»
