«سر المكرونة البشاميل الاقتصادية | وبأقل تكلفة »

 

العنوان الرئيسي للمقال :
«سر المكرونة البشاميل الاقتصادية.. طعم كريمي خطير وبأقل تكلفة »

مقدمة المقال:


مين فينا يقدر يقاوم صينية مكرونة بشاميل سخنة وطالعة من الفرن بوش دهبي يفتح النفس؟ كتير بنفكر إن البشاميل محتاج مصاريف كتير ولحمة كتير.. بس النهاردة في "سفرة ووَفْر" هنغير الفكرة دي خالص! هنعمل أحلى وأطعم صينية بشاميل غرقانة في الصوص الكريمي، بمكونات اقتصادية وهنضاعف كمية اللحمة بطريقة سحرية مش هتفرقيها عن بتاعة العزومات. تعالي أقولك على السر والتكة💥

المكونات (المقادير):

المكرونة: كيس مكرونة قلم (500 جرام).

 مقادير اللحمة المفرومة:- 

- ربع كيلو لحمة مفرومة فقط .

-  بصلتين كبار قطع صغيرة . 

- حبة فلفل رومي قطع صغيرة .

- حبه فلفل حار .

- ملح .

- فلفل اسود .

- ورق لاورا .

-  بهارات لحمه . 

-  قرفه .

- زنجبيل .

صوص البشاميل الموفر:-

- 4 معالق كبار دقيق .

- 2 معلقة سمنة و2معلقه زيت .

- 2 كوباية حليب .

-2 كوباية من مية سلق مكرونة .

- رشة فلفل أسود .

- رشة جوزة الطيب .

- مكعب مرقه .

- ملح .


للوجه:(قشطة بلدي او جبنة موتزاريلا)"

طريقة التحضير خطوة بخطوة:

اسلقي المكرونة: اسلقي المكرونة وحطى معلقه ملح، بس سيبيها (ثلاث ارباع سوا) عشان تظبط معاكي في الفرن وما تتعجنش.. واوعي ترمي مية السلق

​ اللحمه المفرومة : عصّجي اللحمة المفرومة  بملح وفلفل اسود وبعدها حطى البصل والفلفل وباقى التوابل. 

​البشاميل : شوحى الدقيق في السمنة والزيت، انزلي باللبن بالتدريج مع التقليب المستمر عشان ما يكلكعش، وأضفي مية سلق المكرونة (بتخلي الصوص ناعم وكريمي جداً) وننزل بالتوابل.

رصي الصينية: اخلطي كبشتين بشاميل على المكرونة المسلوقة. افردي نص المكرونة في صينية مدهونة، حطي اللحمة المعصجة في النص، وغطي بالنص التاني من المكرونة.

​التغطية: صبي باقي البشاميل كله على الوش ، وحطى على الوش الجبنة او القشطة.

 

​التسوية: ادخليها فرن سخن على درجة 200 على الشواية  لحد ما تاخد اللون الدهبي.

 💥  تكة ووَفْر (سر الطعم):-👇

 

 *مية سلق المكرونة فيها النشا الطبيعي بتاع المكرونة، لما تزودي بيها البشاميل بدل ما تستخدمي حليب كامل، بتديكي قوام تقيل وكريمي جداً وبتقلل التكلفة للنص *


* لو البشاميل كلكع معاكى  ارفعى البشاميل من على النار وخلى يهدا وبعدها حطى ف الخلاط لحد م الدقيق المتكتل ينعم  او صفى البشاميل وهو ساخن بالمصفاة الضيقه واضغطى بمعلقه لحد ميبقى ناعم خالص*

 #وصفات سفرة ووفر #أكلات_اقتصادية #سر المكرونة البشاميل الاقتصادية #أكل_بيتي #توفير» «سر المكرونة البشاميل الاقتصادية | وبأقل تكلفة »


إرسال تعليق

أحدث أقدم

نموذج الاتصال